Kayod

Hindi inda ang init ng araw
May maiuwi lang na pangkanin at sabaw
Lakad nang lakad
Hindi titigil hangga’t may daang malapad

Dobleng pagsisikap para sa anak na may sakit
Kahit ano’y papasukin, lalo na’t sa panahong gipit
Limang kahig, isang tuka
Hindi sapat ang isa lalo pa’t dukha

Iyo pang muntik makalimutan
Si bunso’y magki-kinder na pala sa pasukan
Triple kayod ang kailangan
Kahit tulo ng pawis ay hindi na mapunasan

Hindi mo lubos maisip
Saan ang iyong kalalagyan?
Sa lipunang marami ang nahahapis
Katotohanang lahat ay makatitikim ng buhay na may pait


Isinulat ni:
Roland Mark B. Tadios

Leave a Reply

Your email address will not be published.