Mahal, may gusto akong gawin
Pero nahihiya akong sabihin
Ewan ko ba
Bakit ko naisip yun
Naalala ko lang siguro
Ang paanyaya mo noon

Ganito kasi…

Gusto ko sanang madama
Ang hangin saking mukha
Habang naka-angkas
Sa isang motorsiklo
Na ikaw aking mahal
Ang nagmamaneho

Gusto ko sanang mamasyal
Sa iba’t-ibang lugar
Kahit hindi malayo
At malapit lang sa inyo
Basta ang gusto ko
Ang gamit natin ay
Ang iyong motorsiklo

Gusto ko sanang panoorin
Ang pagdating ng takip-silim
Habang tayo’y naglalayag
Sa daang patungo sa kung saan
Na magkayakap ang mga bisig
At malayang umiibig